Made in Sri Lanka සන්නාමය සහිත නවෝත්පාදන වැඩි වශයෙන් ගෝලීය වෙළඳපොළට නිකුත් කිරීමට සහය සහ දිරිගැන්වීම ලබා දීම රජයේ අරමුණ බව විද්‍යා හා තාක්ෂණ අමාත්‍ය ක්‍රිෂාන්ත අබේසේන මහතා ප්‍රකාශ කළේය. පසුගිදාමරදාන පිහිටි VEGA Innovations සමාගමේ පර්යේෂණ හා නිෂ්පාදන කටයුතු නිරීක්ෂණය සඳහා එක් වෙමින් ඹහු මෙම අදහස් ප්‍රකාශ කළේය.
VEGA Innovations සමාගම නිපදවා ඇති ලොව වේගවත්ම විද්‍යුත් මෝටර් රථයක් ලෙස සැලකෙන, VEGA විද්‍යුත් මෝටර් රථය, දේශීයව නිපදවා ඇති පූර්ණ විද්‍යුත් ත්‍රීවිල් රථ හා මෝටර් සයිකල් ඇතුළු සමාගම විසින් නැනෝ තාක්ෂණය, ජෛව තාක්ෂණය, AI තාක්ෂණය ආදී නව තාක්ෂණයන් යොදා ගනිමින් නිපදවා ඇති අනෙකුත් තාක්ෂණික නිෂ්පාදන ක්‍රිෂාන්ත අබේසේන අමාත්‍යවරයා දීර්ඝ ලෙස නිරීක්ෂණය කළේය. දීර්ඝ කාලයක සිට නව විද්‍යාත්මක හා තාක්ෂණික පර්යේෂණ සිදුකරමින් පරිසර හිතකාමී නිෂ්පාදන ගණනාවක් දේශීය හා විදේශීය වෙළඳපළට නිකුත් කර දේශීය ආර්ථිකය ශක්තිමත් කිරීමට වෙහෙසෙන ආචාර්ය හර්ෂ සුබසිංහ මහතා ප්‍රමුඛ VEGA Innovations කණ්ඩායමේ සේවය අමාත්‍යවරයා මෙහි දී ඉහළින් අගය කළේය.
මෙහි දී වැඩි දුරටත් අදහස් දැක් වූ අමාත්‍යවරයා, මෙතෙක් දේශීයව සිදුකරන ලද පර්යේෂණ හා නවෝත්පාදන දැන් පවතින තත්වයට වඩා ඉහළට ගෙන යාමට රාජ්‍ය සහයෝගය ලබා දීමයි රජයේ අරමුණ බව ප්‍රකාශ කළේය. පර්යේෂකයන් සහ ව්‍යවසායකයන් මුහුණ දෙන ගැටළු වලට විසදුම් ලබාදී නිෂ්පාදන ආර්ථීකය වඩාත් ශක්තිමත් කිරීමේ අරමුණ ඇතිව රේඛීය අමාත්‍යාංශ හා ආයතන සමග නව සම්බන්ධතා ගොඩනගා ගැනීමට පරිසරය සකස් කරන බවත්, රජයේ ජාතික පර්යේෂණ හා සංවර්ධන ප්‍රතිපත්තිය විද්‍යා හා තාක්ෂණ අමාත්‍යාංශයේ මූලිකත්වයෙන් ක්‍රියාත්මක කිරීමට නායකත්වය ලබා දෙන බවත් හෙතෙම ප්‍රකාශ කළේය.
සාම්ප්‍රදායික දේශීය දැනුම සමග නව විද්‍යාත්මක පර්යේෂණ ක්‍රම මුසු කරමින් නිර්මාණය කරන ලද දේශීය ඹෟෂධීය නිෂ්පාදන වැනි නවෝත්පාදන සායනික පරීක්ෂණ සඳහා යොමු කළ යුතු බවත් ඒ සඳහා ඉදිරියේ දී සහය දෙන බවත් සඳහන් පැවසූ අමාත්‍යවරයා, එහි සාර්ථකත්වය මත විස්වසනීයත්වයත් සමග තරගකාරී ගෝලීය වෙළඳපොළට එම නිෂ්පාදන නිකුත් කළ හැකි බවද පැවසීය.
මෙහි දී අදහස් දැක් වූ ආචාර්ය හර්ෂ සුබසිංහ මහතා දේශීය නිෂ්පාදන ආර්ථිකයක් වෙනුවෙන් කලින් කලට වෙනස් නොවන ජාතික ප්‍රතිපත්ති සම්පාදනයට අවධානය යොමු කරන ලෙස පැවසූ අතර, පර්යේෂණ ආයතන සතු අති නවීන පර්යේණ උපකරණ උපරිම කාර්යක්ෂමතාවකින් භාවිතා කිරීමට සුදුසු යාන්ත්‍රණයක් සකස් කිරීමේ වැදගත්කම පෙන්වා දුන්නේය.
නවීන විද්‍යා හා තාක්ෂණික ක්‍රමවේදයන් වර්තමානය වන විට කෘත්‍රිම බුද්ධියද සමග වේගවත් වර්ධනයක් අත්කෙරගෙන ඇති බවත්, ඉදිරිරියේ දී එය තවත් වේගවත්ව සංවර්ධනය වනු ඇති බවත් ප්‍රකාශ කළේය. නමුත් භෞතිකව මෙම ගෝලීය තාක්ෂණික සංවර්ධනය තවමත් අත්කරගෙන ඇත්තේ විශ්වීය විද්‍යාවන්ගෙන් 0.001% ක තරම් ඉතාම අල්ප ප්‍රමාණයක් බවත්, තවමත් හඳුනා නොගත් අති විශාල දැනුමක් විශ්වයේ පවතින බව තමන් විශ්වාස කරන බවත් පැවසූ හර්ෂ සුබසිංහ මහතා, ආධ්‍යාත්මික ශක්තීන් ඹස්සේ එම දැනුම ගවේශණය කළ යුතු බව පැවසීය. ඒ වෙනුවෙන් ද තෝරාගත් තරුණ ප්‍රජාවක් සමග සිදුකරන පර්යේෂණ වැඩසටහනක් පිළිබඳව ද ඹහු අමාත්‍යවරයා දැනුවත් කළේය.
මෙම අවස්ථාවට ගම්පහ දිස්ත්‍රික් පාර්ලිමේන්තු මන්ත්‍රී ස්ටෙෆ්නි ප්‍රනාන්දු මහතා ද එක්විය.
