අද පැවැති මාධ්‍ය සාකච්ඡාවකදී පාර්ලිමේන්තු මන්ත්‍රී නාමල් රාජපක්ෂ මහතා පවසා සිටියේ යහපාලන ආණ්ඩුවෙන් ආපු නඩුටික ඒ විදියටම මේ ආණ්ඩුවෙනුත් ක්‍රියාත්මක කරන බවයි.
යහපාලන ආණ්ඩුවේ දූෂණ මර්ධන කමිටුවේ ලේකම්වරයා වර්තමාන ආණ්ඩුවේ පොලීසිය භාර අමාත්‍යවරයා ලෙස කටයුතු කරන බවත්, දේශපාලන පලිගැනීම් සහ පණිවුඩ කරුවන් ගෙවල්වලට යැවීම හැරුනුකොට ආණ්ඩුවට මෙරට ආර්ථිකය ගොඩදැමීමට හෝ ජාතික ආරක්ෂාව තහවුරු කිරීමට සැලැස්මක් නොමැති බව නාමල් රාජපක්ෂ මහතා වැඩිදුරටත් සඳහන් කළා.
“මන්නාරමේ මිනීමැරුම් කිහිපයක් සිදුවුනා. අද වනවිට අධිකරණයේ නඩුකාරතුමිය ඉදිරිපිට ඝාතන සිදුවන තත්ත්වයට රට පත්වෙලා තියෙනවා.“
“ආණ්ඩුව දන්නෙත් නෑ මොකද වෙන්නෙ කියලා. ඊයේ පුද්ගලයා නෙවෙයි අද වෙනකොට ඉන්නෙ. අනෙත් කාරනා වගේම මේ කාරණය ගැනත් එක ස්ථාවරයක නෑ. හෙට වෙනකොට විදුලිබල අර්බුදය වුනේ රිලවෙක් පැනලා වගේ මේකත් රිලවෙක් විසින් කරනලද ඝාතනයක් කියලා මාධ්‍යයට කියයිද දන්නෙ නෑ.මීට වඩා පුරවැසියාගේ ආරක්ෂව ගැන හිතන එක වැදගත් කියලා අපි විශ්වාස කරනවා“ යැයි මාධ්‍යවේදීන් ඇසූ ප්‍රශ්න හමුවේ මන්ත්‍රීවරයා වැඩිදුරටත් ප්‍රකාශ කළා.
එම ප්‍රකාශ ඇතුලත් වීඩියෝව පහතින්.
